ಪಾಂಡವರಲ್ಲಿ ಒಬ್ಬನಾದ ಅರ್ಜುನನು ಶ್ರೀಕೃಷ್ಣನ ಪರಮಭಕ್ತನೂ, ಆಪ್ತಸಖನೂ ಆಗಿದ್ದನು. ಕುರುಕ್ಷೇತ್ರ ಯುದ್ಧದಲ್ಲಿ ಸ್ವತಃ ಶ್ರೀಕೃಷ್ಣನು ಅರ್ಜುನನ ಸಾರಥಿಯಾಗಿ ವಿಜಯ ದೊರಕಿಸಿಕೊಟ್ಟನು. ರಣರಂಗದಲ್ಲಿ ಯುದ್ಧ ಒಲ್ಲೆನೆಂದ ಅರ್ಜುನನಿಗೆ ಗೀತಾಬೋಧನೆ ಮಾಡಿ ಜ್ಞಾನ ಚಕ್ಷುವನ್ನು ತೆರೆಸಿದನು. ಭಗವದ್ಗೀತೆಯಲ್ಲಿ ಕೃಷ್ಣನು ಅರ್ಜುನನನ್ನು ವಿವಿಧ ಹೆಸರುಗಳಿಂದ ಕರೆದಿರುವನು. ಈ ಹೆಸರುಗಳನ್ನು ಅವು ಸೂಚಿಸುವ ಅರ್ಥಗಳೊಂದಿಗೆ ಇಲ್ಲಿ ನೀಡಲಾಗಿದೆ.
1. ಅನಘ – ಪಾಪರಹಿತ
2. ಅರ್ಜುನ – ಬೆಳ್ಳಿಯ ಬಿಳುಪಿನವನು
3. ಭಾರತ – ಭರತ ಚಕ್ರವರ್ತಿಯ ವಂಶಜ
4. ಭರತರ್ಷಭ – ಭರತನ ವಂಶಸ್ಥರಲ್ಲಿ ಪ್ರಮುಖನಾದವನು
5. ಭರತಸತ್ತಮ – ಎಲ್ಲ ಭಾರತರಲ್ಲಿ (ಭರತನ ವಂಶಜರಲ್ಲಿ) ಉತ್ತಮನಾದವನು
6. ಭರತಶ್ರೇಷ್ಠ – ಭಾರತರಲ್ಲಿ ಶ್ರೇಷ್ಠನಾದವನು
7. ದೇಹಭೃತಾಮ್‌ ವರ – ಶರೀರಿಗಳಲ್ಲಿ ಉತ್ತಮನಾದವನು
8. ಧನಂಜಯ – ಸಂಪತ್ತನ್ನು ಗೆದ್ದವನು
9. ಧನುರ್ಧರ – ಬಿಲ್ಲನ್ನು ಹಿಡಿದಿರುವನು
10. ಗುಡಾಕೇಶ – ನಿದ್ದೆಯನ್ನು ಗೆದ್ದವನು
11. ಕಪಿಧ್ವಜ – ಧ್ವಜದಲ್ಲಿ ಹನುಮಂತನ ಚಿತ್ರ ಹೊಂದಿರುವವನು
12. ಕೌಂತೇಯ – ಕುಂತಿಯ ಮಗ
13. ಕಿರೀಟೀ – ಕಿರೀಟ ಧರಿಸಿರುವವನು
14. ಕುರುನಂದನ – ಕುರು ಕುಲದ ಪುತ್ರ (ರಾಜಕುಮಾರ)
15. ಕುರುಪ್ರವೀರ – ಕುರು ಕುಲದ ಯೋಧರಲ್ಲಿ ಉತ್ತಮನು
16. ಕುರುಸತ್ತಮ – ಕುರು ವಂಶಿಗಳಲ್ಲಿ ಉತ್ತಮನು
17. ಕುರುಶ್ರೇಷ್ಠ – ಕುರುವಂಶಿಗಳಲ್ಲಿ ಶ್ರೇಷ್ಠನು
18. ಮಹಾಬಾಹು – ಬಲಶಾಲಿಯಾದವನು
19. ಪಾಂಡವ – ಪಾಂಡುವಿನ ಮಗ
20. ಪರಂತಪ – ಶತ್ರುಗಳಿಗೆ ನೋವುಂಟುಮಾಡುವವನು
21. ಪಾರ್ಥ – ಪೃಥೆ (ಕುಂತಿ) ಯ ಮಗ
22. ಪುರುಷರ್ಷಭ – ಪುರುಷರಲ್ಲಿ ಉತ್ತಮನು
23. ಪುರುಷ ವ್ಯಾಘ್ರ – (ಹುಲಿಯಂತೆ) ಶಕ್ತಿಶಾಲಿಯಾದ ಪುರುಷ
24. ಸವ್ಯಸಾಚಿ – ಉತ್ತಮ ಜಿಲ್ಗಾರ, ಎರಡು ಕೈಗಳಿಂದಲೂ ಬಾಣವನ್ನ ಬಿಡಲು ಶಕ್ತನಾದವನು
25. ತಾತ – ನನ್ನ (ಕೃಷ್ಣನ) ಸ್ನೇಹಿತ
Leave a Reply