ಆಧಾರ: ನಾರದ ಪಂಚರಾತ್ರ 5ನೇ ಅಧ್ಯಾಯ
ಶ್ರೀಲ ಭಕ್ತಿವಿನೋದ ಠಾಕುರರ ಅನುವಾದ
ಪಾರ್ವತಿದೇವಿಯ ಕೋರಿಕೆಯ ಮೇರೆಗೆ ಪರಮ ವೈಷ್ಣವನಾದ ಶಿವನು ರಾಧಾ ಸಹಸ್ರನಾಮಗಳನ್ನು ಬೋಧಿಸುತ್ತಾನೆ. ಈ ಸನ್ನಿವೇಶವು ನಾರದ ಪಂಚರಾತ್ರದಲ್ಲಿ 5ನೇ ಅಧ್ಯಾಯದಲ್ಲಿ ಚಿತ್ರಿತವಾಗಿದೆ. ರಾಧಾರಾಣಿಯ ಸುಂದರ, ದಿವ್ಯ, ಮೋಹಕವಾದ ಸಾವಿರ ಹೆಸರುಗಳಲ್ಲಿ ಕೆಲವನ್ನಷ್ಟೆ ಆಯ್ದು ಅರ್ಥ ಸಹಿತವಾಗಿ ಇಲ್ಲಿ ನೀಡುತ್ತಿದ್ದೇವೆ.
ರಾಧಾ: ಶ್ರೇಷ್ಠ ಆರಾಧಕಿ
ಕೃಷ್ಣವಲ್ಲಭಾ: ಕೃಷ್ಣನಿಗೆ ಪ್ರಿಯಳಾದವಳು
ವೃಂದಾನವೇಶ್ವರೀ: ವೃಂದಾವನದ ಅರಸಿ
ಯಶಸ್ವಿನೀ: ಪ್ರಖ್ಯಾತಳಾದವಳು
ಗೋಪಿಕಾ: ಗೋಪಾಲಕ ಕನ್ಯೆ
ತ್ರೈಲೋಕ್ಯ ಸುಂದರೀ: ಮೂರು ಲೋಕಗಳಲ್ಲಿ ಅತ್ಯಂತ ಸುಂದರಿಯಾಗಿರುವವಳು
ವಿಷ್ಣುಪ್ರಿಯಾ: ವಿಷ್ಣುವಿಗೆ ಪ್ರಿಯಳಾದವಳು
ಗತಿಪ್ರದಾ: ಜಯವನ್ನು ಗಳಿಸಿಕೊಡುವವಳು
ಗೀತಗಮ್ಯಾ: ಪವಿತ್ರನಾಮ ಪಠಣದಿಂದ ಪಡೆಯಬಹುದಾದವಳು
ಜಯಪ್ರದಾ: ಜಯವನ್ನು ಗಳಿಸಿಕೊಡುವವಳು
ವೃಷಭಾನು ಸುತಾ: ವೃಷಭಾನುವಿನ ಮಗಳು
ಶಿವಾ: ಮಂಗಳಕರಳು
ಗಣಾಧ್ಯಕ್ಷಾ: ಗೋಪೀಗಣದ ಪ್ರಮುಖಳು
ಅಶೋಕಾ: ಶೋಕವಿಲ್ಲದವಳು
ವಿದುತ್ತಮಾ: ತತ್ತ್ವಜ್ಞಾನಿಗಳಲ್ಲಿ ಅತ್ಯುತ್ತಮಳು
ವೇದಾತೀತಾ: ವೇದಗಳಿಗೂ ನಿಲುಕದವಳು
ಅಭೀಷ್ಟದಾ: ಬಯಕೆಗಳನ್ನು ಈಡೇರಿಸುವವಳು
ವೇದಗರ್ಭಾ: ವೇದಗಳ ತಾಯಿ
ನಂದಪ್ರಿಯಾ: ನಂದ ಮಹರಾಜನಿಗೆ ಪ್ರೀತಿಪಾತ್ರಳು
ಶುಭಾಂಗೀ: ಮಂಗಳಕರ ಶರೀರವುಳ್ಳವಳು
ಅಪರಾಜಿತಾ: ಸೋಲಿಲ್ಲದವಳು
ಶೈಲವಾಸಿನೀ: ಗಿರಿಯ ಮೇಲೆ ನೆಲೆಸಿರುವವಳು
ಹೇಮಸುಂದರೀ: ಚಿನ್ನದ ಬಣ್ಣದ ಕಾಂತಿಯ ರೂಪ ಉಳ್ಳವಳು
ಕಿಶೋರಿ: ಚಿರ ಯುವತಿ
ಪಯಸ್ವಿನಿ: ಉಲ್ಲಾಸ ಮೈದುಂಬಿದವಳು
ವಿಮಲಾ: ಪರಿಶುದ್ಧಳು
ನಿರಾಲಂಬಾ: ಮುಕ್ತಳು
ನಿರಾಲೋಕಾ: ಬದ್ಧಾತ್ಮಗಳ ದೃಷ್ಟಿಗೆ ಗೋಚರಿಸದವಳು
ರಸಿಕಾ: ಪಾರಮಾರ್ಥಿಕ ರಸಗಳನ್ನು ಆನಂದಿಸುವವಳು
ನಿತ್ಯಾಂಗೀ: ಶಾಶ್ವತ ಸ್ವರೂಪಳು
ಸ್ವಯಮ್‌ಪ್ರಭಾ: ಕಾಂತಿಯಾದ ಕೂಡಿ ಹೊಳೆಯುತ್ತಿರುವವಳು
ಭಕ್ತಿಪ್ರಿಯಾ: ಶ್ರೀಕೃಷ್ಣನ ಭಕ್ತಿಯನ್ನು ಆಸ್ವಾದಿಸುವವಳು
ನಿರಾಮಯಾ: ರೋಗಗಳಿಂದ ಮುಕ್ತಳು
ಈಶ್ವರೀ: ಪರಮ ನಿಯಂತ್ರಕಿ
ಶುಭಂಕರೀ: ಮಂಗಳವನ್ನು ಹರಸುವವಳು
ಪರಾತ್ಪರಾ: ಮಹತ್ತಿಗಿಂತ ಮಹತ್ವದವಳು
ವೈಷ್ಣವಿ: ವಿಷ್ಣುವಿನ ಸಂಗಾತಿ
ಅಪೂರ್ವಾ: ಅಪರೂಪದವಳು
ವೃಂದಾವನ ವಿಲಾಸಿನೀ: ವೃಂದಾವನದಲ್ಲಿ ಆನಂದಿಸುವವಳು
ಜನನೀ: ತಾಯಿ, ಲೋಕಮಾತೆ
ರಾಸೇಶ್ವರೀ: ರಾಸ ನೃತ್ಯದ ಕೇಂದ್ರಬಿಂದು, ಒಡತಿ
ಪದ್ಮಹಸ್ತಾ: ಕಮಲದಂತಹ ಕೈಗಳುಳ್ಳವಳು
ಕಾಂಚನಾಭಾ: ಬಂಗಾರದಂತೆ ಹೊಳೆಯುವವಳು
ಚಿತ್ರರೂಪಿಣೀ: ಅದ್ಭುತ ರೂಪವುಳ್ಳವಳು
ನಿರುಕುಲಾ: ಖಿನ್ನತೆಯಿಂದ ಮುಕ್ತಳು
ವೇಣುರತಿ: ಕೊಳಲಿನ ನಾದಕ್ಕೆ ಸುಖಿಸುವವಳು
ಸೌಮ್ಯಾ: ಮೃದು ಸ್ವಭಾವದವಳು
ಗೀರ್ವಾಣಾ ವಂದ್ಯಾ: ದೇವಗಣಗಳಿಂದ ನಮಿಸಲ್ಪಡುವವಳು
ಕಾಂತಾರವಾಸಿನೀ: ಅಡವಿಯಲ್ಲಿ ವಾಸಿಸುವವಳು
ಅನುತ್ತರಾ: ಮೀರಿಸಲಾಗದವಳು
ಚಿತ್ರಮಾಲಿನೀ: ಅದ್ಭುತ ಹೂಗಳ ಮಾಲೆ ಧರಿಸಿರುವವಳು
ಲಜ್ಜಾ: ಮಾನವಂತ ಕನ್ಯೆ
ಕೃಷ್ಣಕಾಂತಾ: ಕೃಷ್ಣನಿಗೆ ಅತ್ಯಂತ ಪ್ರಿಯಳಾದವಳು
Leave a Reply