ವಿವಿಧ ಆಂಬೊಡೆಗಳು

– ಶ್ರೀಮತಿ ಎಂ.ಅಹಲ್ಯ

ಹಲಸಂದೆಕಾಳಿನ ಆಂಬೊಡೆ

ಬೇಕಾಗುವ ಪದಾರ್ಥಗಳು :

ಸಿಪ್ಪೆ ಇರುವ ಹಲಸಂದೆ – 250 ಗ್ರಾಂ

ಚಚ್ಚಿರುವ ಹಸಿರುಮೆಣಸಿನಕಾಯಿ – 7

ತೆಂಗಿನತುರಿ, ಕೊತ್ತಂಬರಿ ಸೊಪ್ಪು – ಸ್ವಲ್ಪ

ಇಂಗು – ಸ್ವಲ್ಪ

ಎಣ್ಣೆ – ಕರಿಯಲು

ಉಪ್ಪು – ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ: ಹಲಸಂದೆ ಕಾಳನ್ನು 5 ಗಂಟೆಗಳ ಕಾಲ ನೆನೆಸಿ. ಸಿಪ್ಪೆಯನ್ನು ಬೇರ್ಪಡಿಸಿ ಸ್ವಲ್ಪ ತರಿಯಾಗಿ ರುಬ್ಬಿ ಮೇಲಿನ ಸಾಮಾನುಗಳನ್ನೆಲ್ಲಾ ಸೇರಿಸಿ ವಡೆಯಾಕಾರವಾಗಿ ತಟ್ಟಿ ಎಣ್ಣೆಯಲ್ಲಿಕರಿಯಬೇಕು.

ತೊಗರಿ ಬೇಳೆ ಆಂಬೊಡೆ

ಬೇಕಾಗುವ ಪದಾರ್ಥಗಳು :

ಅಕ್ಕಿಹಿಟ್ಟು – ಸ್ವಲ್ಪ

ತೊಗರಿಬೇಳೆ – 250 ಗ್ರಾಂ

ಎಣ್ಣೆ – ಕರಿಯಲು

ಕರಿಬೇವಿನ ಸೊಪ್ಪು – 1 ಎಸಳು

ಕಾಯಿತುರಿ – ಸ್ವಲ್ಪ

ಇಂಗು – ಸ್ವಲ್ಪ

ಹಸಿರು ಮೆಣಸಿನಕಾಯಿ -8

ಪುದೀನ, ಕೊತ್ತಂಬರಿ ಸೊಪ್ಪು- ಸ್ವಲ್ಪ

ಉಪ್ಪು – ರುಚಿಗೆ ತಕ್ಕಷ್ಟು

ಮಾಡುವ ವಿಧಾನ: ತೊಗರಿಬೇಳೆ ನೆನೆದ ಅನಂತರ ನೀರನ್ನು ಪೂರ್ತಿ ಬಸಿದು ಮೆಣಸಿನಕಾಯಿ, ಉಪ್ಪು, ಬೇಳೆಯನ್ನು ರುಬ್ಬಿ ಅನಂತರ ಮಿಕ್ಕ ಸಾಮಾನೆಲ್ಲಾ ಸೇರಿಸಿ ವಡೆಯಾಕಾರವಾಗಿ ತಟ್ಟಿ ಎಣ್ಣೆಯಲ್ಲಿ ಕರಿಯಬೇಕು.

ಸಬ್ಬಕ್ಕಿ ಆಂಬೊಡೆ

ಬೇಕಾಗುವ ಪದಾರ್ಥಗಳು :

ಸಬ್ಬಕ್ಕಿ – 1 ಬಟ್ಟಲು

ಹುಳಿ ಮೊಸರು – 1 1/2 ಬಟ್ಟಲು

ಉಪ್ಪು- ರುಚಿಗೆ ತಕ್ಕಷ್ಟು

ಅಕ್ಕಿ ಹಿಟ್ಟು – ಸ್ವಲ್ಪ

ಕೊತ್ತಂಬರಿ ಸೊಪ್ಪು, ಇಂಗು ಮತ್ತು ಪುದೀನ – ಸ್ವಲ್ಪ

ಹಸಿಮೆಣಸಿನಕಾಯಿ – 8 ( ಪೇಸ್ಟ್ ಮಾಡಿದ್ದು)

ಮಾಡುವ ವಿಧಾನ: ಸಬ್ಬಕ್ಕಿಯನ್ನು ಮೊಸರಿನಲ್ಲಿ ನೆನೆಸಬೇಕು. ಅನಂತರ ಅದಕ್ಕೆ ಹಿಡಿಸುವಷ್ಟು ಅಕ್ಕಿಹಿಟ್ಟನ್ನುಕಲೆಸಿದ ನ೦ತರ ಮೇಲೆ ತಿಳಿಸಿದ ಸಾಮಾನುಗಳನ್ನು ಸೇರಿಸಿ ವಡೆಯಾಕಾರವಾಗಿ ತಟ್ಟಿ ಎಣ್ಣೆಯಲ್ಲಿ ಕರಿಯಬೇಕು.

ಹೆಸರು ಬೇಳೆ ಆಂಬೊಡೆ

ಬೇಕಾಗುವ ಪದಾರ್ಥಗಳು :

ಹೆಸರು ಬೇಳೆ – 250 ಗ್ರಾಂ

ಹಸಿರುಮೆಣಸಿನಕಾಯಿ – 6

ಉಪ್ಪು – ರುಚಿಗೆ ತಕ್ಕಷ್ಟು

ಕಾಯಿತುರಿ – ಸ್ವಲ್ಪ

ಕೊತ್ತಂಬರಿ ಸೊಪ್ಪು ಮತ್ತು ಇಂಗು – ಸ್ವಲ್ಪ

ಮಾಡುವ ವಿಧಾನ: ಹೆಸರು ಬೇಳೆ ನೆನೆದ ಅನಂತರ ಮೇಲೆ ತಿಳಿಸಿದ ಹಾಗೆ ಚಿಕ್ಕ ಚಿಕ್ಕದಾಗಿ ವಡೆ ಅಥವಾ ಪಕೋಡ ತರಹ ಎಣ್ಣೆಯಲ್ಲಿ ಕರಿಯಬೇಕು. ಎಲ್ಲಾ ತರಹದ ಆಂಬೊಡೆಗಳನ್ನು ಮಾಡಿದ ಅನಂತರ ಶ್ರೀರಾಧಾಕೃಷ್ಣನಿಗೆ ಅರ್ಪಿಸಿ ಎಲ್ಲರೂ ಸ್ವೀಕರಿಸಿ.